10 stiga reglur

Reglugerð um upptøku av limum til felagið“ Føroysk Myndlistafólk”
Sett í gildi 04.02.2004

1. Myndalistarlig útbúgving:
Lokið prógv á viðurkendum listaskúla, sum tekur minst 4 ár sambært yvirlýsing hjá viðkomandi skúla: 6 stig.

2. Sensureraðar framsýningar:
Sensureraðar framsýningar, t.d. várframsýningini ella tilsvarandi framsýning uttanlands: 1 stig fyri hvørja framsýning, tó í mesta lagi 3 stig.

3. Einkarframsýningar:
Einkarframsýningarm, sum eru viðurkendar av listfakligari dómsnevnd heima ella uttanlands: 3 stig fyri hvørja framsýning.

4. Bólkaframsýningar:
Bólkframsýningar, ið eru vigaðar av listafakligari dómsnevnd: 1 stig fyri hvørja framsýning, tó í mesta lagi 3 stig.

5. Listasavnsframsýningar v.m.:
Listasøvn í Føroyum ella uttanlands ella útlendsk / føroysk viðurkend  framsýningarstøð: 1 stig fyri hvørja framsýning, tó í mesta lagi 3 stig.

6. Listaframsýningar ella framsýningarverkætlanir:
Listaframsýningar ella framsýningarverkætlanir, sum eru viðurkendar av listafakligari dómsnevnd ella listafrøðingi: 2 stig fyri hvørja framsýning, tó í mesta lagi 4 stig.

7. Listarligar prýðisuppgávur:
Almennar og einskyldar listarligar prýðisuppgávur, ið eru fyrireikaðar av listaligari dómsnevnd ella mettar av dómsnevnd felagsins: 2 stig fyri hvørja uppgávu.

8. Søla:
Søla til listasøvn og stovnar. ið hava listafakliga dómsnevnd: 2 stig fyri hvørt verk tó í mesta lagi 6 stig.

9. Listaligan stuðul:
Fingið almennan, norðurlenskan stuðul ella starvsløn frá tí almenna: 2 stig hvørja ferð, tó í mesta lagi 6 stig.

10. Upptøkunevndin:
Upptøkunevndin ( dómsnevndin ) tekur í hvørjum einstøkum føri støðu til, hvørjar fortreytir geva stig. Hon kann somuleiðis eftir meting geva stig fyri her ikki nevnd listarlig virði.

 

10 stiga nevnd:
Astri Luihn
Sigrun Gunnarsdóttir
Amariel Norðoy