Tey, ið ynskja at gerðast limir verða biðin um at senda umsókn við CV, myndatilfari og øðrum viðkomandi tilfari til fomyndlist@gmail.com. Upptøkunevndin viðger síðani umsóknina. Upptøkutreytirnar eru lýstar í 10 stiga reglunum. Fyri at gerast limur, skal umsøkjarin fáa 10 ella fleiri stig sambært punktunum niðanfyri. Í upptøkunevndini sita:
︎︎︎ Rannvá Holm Mortensen
︎︎︎ Ole Wich
︎︎︎ Jón Sonni Jensen
︎ 1. Myndalistarlig útbúgving
Lokið prógv á viðurkendum listaskúla, sum tekur minst 3 ár sambært yvirlýsing hjá viðkomandi skúla. Hetta samsvarar við eina útbúgving á bachelor stigi ella hægri:
6 stig.
︎ 2. Sensureraðar framsýningar
Sensureraðar framsýningar, t.d. várframsýningin ella tilsvarandi framsýning uttanlands.
1 stig fyri hvørja framsýning,
tó í mesta lagi 3 stig.
︎ 3. Kurateraðar einkarframsýningar
Myndlistarligar einkarframsýningar, sum eru vigaðar av listfakligari dómsnevnd ella kuratori í Føroyum ella uttanlands:
3 stig fyri hvørja framsýning.
︎ 4. Kurateraðar bólkaframsýningar
Myndlistarligar bólkaframsýningar, ið eru vigaðar av listafakligari dómsnevnd ella kuratori í Føroyum ella uttanlands:
1 stig fyri hvørja framsýning,
tó í mesta lagi 3 stig.
︎ 5. Listasavnsframsýningar v.m.
Myndlistaframsýningar á listasavni í ella viðurkendum framsýningarstaði í Føroyum ella uttanlands:
1 stig fyri hvørja framsýning,
tó í mesta lagi 3 stig.
︎ 6. Listaframsýningar ella listaverkætlanir
Myndlistaframsýningar ella myndlistaverkætlanir, sum eru viðurkendar av listafakligari dómsnevnd ella listafrøðingi:
2 stig fyri hvørja framsýning,
tó í mesta lagi 4 stig.
︎ 7. Listarligar prýðisuppgávur
Almennar og einskyldar listarligar prýðisuppgávur, ið eru fyrireikaðar av listaligari dómsnevnd:
2 stig fyri hvørja uppgávu.
︎ 8. Søla
Søla til listasøvn og stovnar, ið hava listafakliga dómsnevnd:
2 stig fyri hvørt verk,
tó í mesta lagi 6 stig.
︎ 9. Listaligan stuðul
Fingið almennan, norðurlenskan ella altjóða stuðul ella starvsløn til myndlistarligt virksemi:
2 stig hvørja ferð,
tó í mesta lagi 6 stig.